un ke paikan pe paikan chale aate hain
un ke paikān pe paikān chale aate haiñ
dil meñ ghar karne ko mehmān chale aate haiñ
dekh kar aa.e haiñ kyā aariz o gesū un ke
log hairān pareshān chale aate haiñ
chaar añgul kā vo parcha nahīñ likhte mujh ko
pās-e-aġhyār ke farmān chale aate haiñ
apnī mahfil meñ mujhe dekh ke kahtā hai vo but
kyuuñ mire ghar meñ musalmān chale aate haiñ
bazm-e-aġhyār meñ kis shaḳhs ne gustāḳhī kī
ki vo ḳhāmosh pashemān chale aate haiñ
dosh-e-ahbāb ye aage hai janāza merā
pīchhe sar pīTte armān chale aate haiñ
kyā batā.eñ ki 'nasīm' aate haiñ kyuuñ aap ke ghar
muft hone ko pashemān chale aate haiñ
un ke paikan pe paikan chale aate hain
dil mein ghar karne ko mehman chale aate hain
dekh kar aae hain kya aariz o gesu un ke
log hairan pareshan chale aate hain
chaar angul ka wo parcha nahin likhte mujh ko
pas-e-aghyar ke farman chale aate hain
apni mahfil mein mujhe dekh ke kahta hai wo but
kyun mere ghar mein musalman chale aate hain
bazm-e-aghyar mein kis shaKHs ne gustaKHi ki
ki wo KHamosh pasheman chale aate hain
dosh-e-ahbab ye aage hai janaza mera
pichhe sar piTte arman chale aate hain
kya bataen ki 'nasim' aate hain kyun aap ke ghar
muft hone ko pasheman chale aate hain
- Book : Intekhab-e-Sukhan(Jild-2) (Pg. 152)
- Author : Hasrat Mohani
- Publication : uttar pradesh urdu academy (1983)
- Edition : 1983
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
