unki aamad ki jab KHabar aai

un kī aamad kī jab ḳhabar aa.ī

dil ne lī muskurā ke añgḌā.ī

aañkh roī to dil taḌap uTThā

daur-e-māzī kī jab bhī yaad aa.ī

hañstī hai mere haal par duniyā

uf mohabbat kī kār-farmā.ī

jab bhī dekhā hai aa.ina maiñ ne

terī sūrat mujhe nazar aa.ī

shām-e-ġham koī bhī rafīq na thā

aap aa.e to mujh ko niiñd aa.ī

aur koī nahīñ zamāne meñ

maiñ huuñ yā shām-e-ġham kī tanhā.ī

tere hāl-e-zabūñ se ai 'iqbāl'

dost kī ho na jaa.e rusvā.ī

un ki aamad ki jab KHabar aai

dil ne li muskura ke angDai

aankh roi to dil taDap uTTha

daur-e-mazi ki jab bhi yaad aai

hansti hai mere haal par duniya

uf mohabbat ki kar-farmai

jab bhi dekha hai aaina main ne

teri surat mujhe nazar aai

sham-e-gham koi bhi rafiq na tha

aap aae to mujh ko nind aai

aur koi nahin zamane mein

main hun ya sham-e-gham ki tanhai

tere haal-e-zabun se ai 'iqbaal'

dost ki ho na jae ruswai