unki aur meri kisi roz laDai na gai

un kī aur merī kisī roz laḌā.ī na ga.ī

baat bigḌī hai kuchh aisī ki banā.ī na ga.ī

ham ne har-chand malā un ko bahut roġhan-e-qāz

par kisī shakl zarā un kī rukhā.ī na ga.ī

kyuuñ na khātā tire milne kī qasam ho ke ye tang

thī magar zahr se bhī talḳh ki khaa.ī na ga.ī

is qadar zo.af meñ āvāz nikaltī to kahāñ

ham se zanjīr-e-dar-e-yār hilā.ī na ga.ī

us ke dīdār se mahrūm nazākat ne rakhā

donoñ hāthoñ se naqāb us se uThā.ī na ga.ī

girya-e-chashm ne sau baar uThāyā tūfāñ

par zarā ātish-e-dil merī bujhā.ī na ga.ī

mar ga.e phir bhī vo muztar hai mirā dil 'ārif'

ḳhaak meñ laash kisī taur dabā.ī na ga.ī

un ki aur meri kisi roz laDai na gai

baat bigDi hai kuchh aisi ki banai na gai

hum ne har-chand mala un ko bahut roghan-e-qaz

par kisi shakl zara un ki rukhai na gai

kyun na khata tere milne ki qasam ho ke ye tang

thi magar zahr se bhi talKH ki khai na gai

is qadar zoaf mein aawaz nikalti to kahan

hum se zanjir-e-dar-e-yar hilai na gai

us ke didar se mahrum nazakat ne rakha

donon hathon se naqab us se uThai na gai

girya-e-chashm ne sau bar uThaya tufan

par zara aatish-e-dil meri bujhai na gai

mar gae phir bhi wo muztar hai mera dil 'arif'

KHak mein lash kisi taur dabai na gai