ان کی نگاہ لطف کا پیغام آ گیا
ان کی نگاہ لطف کا پیغام آ گیا
میرا خلوص آج مرے کام آ گیا
فکر سحر گئی تو غم شام آ گیا
اب اعتبار گردش ایام آ گیا
پوچھا کسی نے جب مری بربادیوں کا حال
بے ساختہ زباں پہ ترا نام آ گیا
مشکل سے ترک عشق پہ راضی ہوا تھا دل
لو پھر نگاہ ناز کا پیغام آ گیا
مدت کے بعد ہونٹوں پہ آنے کو تھی ہنسی
لیکن مری نگاہ میں انجام آ گیا
شکر خدا ملیں در جاناں کی ٹھوکریں
بگڑا ہوا نصیب مرے کام آ گیا
رونقؔ کسی کی چشم کرم بے سبب نہیں
کچھ بات ہے جو میری طرف جام آ گیا
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
