unki nigah-e-naz ke Thukrae hue hain

un kī nigah-e-nāz ke Thukrā.e hue haiñ

ham jurm-e-mohabbat kī sazā paa.e hue haiñ

ye sāya-nashīnān-e-guzar-gāh-e-tamannā

kuchh ishq ke kuchh aql ke bahkā.e hue haiñ

ab un ko na.ī sub.h ke paiġhām sunā do

jo tīrgī-e-vaqt se ghabrā.e hue haiñ

mai chhalkegī mai ublegī mai barsegī rindo

mai-ḳhāne meñ ḳhud shaiḳh-e-haram aa.e hue haiñ

tauba nahīñ TūTegī subū aa.e ki ḳhum aa.e

mai-kash tirī āñkhoñ kī qasam khaa.e hue haiñ

un ashkoñ ke qatroñ ko bhī be-māya na samjho

mazlūmoñ kī āñkhoñ meñ jagah paa.e hue haiñ

ab un ke taġhāful kā 'vafā' zikr na chheḌo

dekho to vo kis naaz se sharmā.e hue haiñ

un ki nigah-e-naz ke Thukrae hue hain

hum jurm-e-mohabbat ki saza pae hue hain

ye saya-nashinan-e-guzar-gah-e-tamanna

kuchh ishq ke kuchh aql ke bahkae hue hain

ab un ko nai subh ke paigham suna do

jo tirgi-e-waqt se ghabrae hue hain

mai chhalkegi mai ublegi mai barsegi rindo

mai-KHane mein KHud shaiKH-e-haram aae hue hain

tauba nahin TuTegi subu aae ki KHum aae

mai-kash teri aankhon ki qasam khae hue hain

un ashkon ke qatron ko bhi be-maya na samjho

mazlumon ki aankhon mein jagah pae hue hain

ab un ke taghaful ka 'wafa' zikr na chheDo

dekho to wo kis naz se sharmae hue hain