unki paiham nawazishat kahan

un kī paiham navāzishāt kahāñ

ab vo hangāma-e-hayāt kahāñ

kah diyā tum ko fitna-e-daurāñ

dekhiye ḳhatm ho ye baat kahāñ

un kī nazroñ se pūchhnā hī paḌā

kho ga.ī hai mirī hayāt kahāñ

mere dil par tirī nazar na paḌī

varna ā.īne ko sabāt kahāñ

naqsh-e-pā un kā aur jabīn-e-'vasī'

be-ḳhudī khā ga.ī hai maat kahāñ

un ki paiham nawazishat kahan

ab wo hangama-e-hayat kahan

kah diya tum ko fitna-e-dauran

dekhiye KHatm ho ye baat kahan

un ki nazron se puchhna hi paDa

kho gai hai meri hayat kahan

mere dil par teri nazar na paDi

warna aaine ko sabaat kahan

naqsh-e-pa un ka aur jabin-e-'wasi'

be-KHudi kha gai hai mat kahan