un ko dekha jo ek nazar humne

un ko dekhā jo ik nazar ham ne

dil sañbhālā kabhī jigar ham ne

ik ishāre meñ le uḌe dil ko

tum sā dekhā na fitna-gar ham ne

raat bhar un kā intizār kiyā

taare gin gin ke kī sahar ham ne

apnī taqdīr meñ kahāñ rāhat

kabhī dekhī na 'umr bhar ham ne

un kī furqat meñ apne dāman ko

āñsuoñ se kiyā hai tar ham ne

jaan se apnī haath dho baiThe

paayā ulfat kā ye samar ham ne

un kī tasvīr hī se ai 'paikāñ'

dil ko bahlāyā raat bhar ham ne

un ko dekha jo ek nazar hum ne

dil sanbhaala kabhi jigar hum ne

ek ishaare mein le uDe dil ko

tum sa dekha na fitna-gar hum ne

raat bhar un ka intizar kiya

tare gin gin ke ki sahar hum ne

apni taqdir mein kahan rahat

kabhi dekhi na 'umr bhar hum ne

un ki furqat mein apne daman ko

aansuon se kiya hai tar hum ne

jaan se apni hath dho baiThe

paya ulfat ka ye samar hum ne

un ki taswir hi se ai 'paikan'

dil ko bahlaya raat bhar hum ne