ان کو احساس غم نہیں ہوتا
ان کو احساس غم نہیں ہوتا
کیوں یہ احساس کم نہیں ہوتا
وقت لکھتا ہے سب کی تقدیریں
ہاتھ میں گو قلم نہیں ہوتا
میں ہوں عنوان اس فسانے کا
جو کہ صرف قلم نہیں ہوتا
فائدہ کیا ہے ایسے رونے سے
ان کا دامن جو نم نہیں ہوتا
تم مرے ساتھ ساتھ چلتے ہو
کیوں یہ احساس کم نہیں ہوتا
سب پہ رحمت تری برستی ہے
ایک ہم پر کرم نہیں ہوتا
مسکرانا بھی فن ہے دنیا میں
کس کی دنیا میں غم نہیں ہوتا
سر جھکاتے نہیں ہیں ہم جس جا
تیرا نقش قدم نہیں ہوتا
ایک وہ دل کہ ٹوٹ جاتے ہیں
ایک یہ سر کہ خم نہیں ہوتا
ان کے غم سے جو دوستی ہے سحرؔ
اب کسی غم کا غم نہیں ہوتا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
