un ko gham ki KHabar na ho jae

un ko ġham kī ḳhabar na ho jaa.e

mudda.ā be-asar na ho jaa.e

haañ sañbhal kar naqāb ruḳh se ulaT

dekh zaḳhmī nazar na ho jaa.e

āriz-e-ruḳh kī sho.ala-sāmānī

rashk-e-shams-o-qamar na ho jaa.e

phir vo nikle haiñ aaj saj-dhaj kar

nazm-e-ālam digar na ho jaa.e

ro paḌe sun ke dāstān-e-hayāt

ishq phir mo'atabar na ho jaa.e

vo Tahalte haiñ sehn-e-gulshan meñ

raqs-e-barq-o-sharar na ho jaa.e

tū jidhar aaj jā rahā hai dost

vo mirī rahguzar na ho jaa.e

azm-e-rāh-e-mazār-e-bulbul par

pursish-e-bāl-o-par na ho jaa.e

ḳhud-satā.ī kahīñ 'azīm' apnī

be-niyāz-e-asar na ho jaa.e

un ko gham ki KHabar na ho jae

muddaa be-asar na ho jae

han sanbhal kar naqab ruKH se ulaT

dekh zaKHmi nazar na ho jae

aariz-e-ruKH ki shoala-samani

rashk-e-shams-o-qamar na ho jae

phir wo nikle hain aaj saj-dhaj kar

nazm-e-alam digar na ho jae

ro paDe sun ke dastan-e-hayat

ishq phir mo'atabar na ho jae

wo Tahalte hain sehn-e-gulshan mein

raqs-e-barq-o-sharar na ho jae

tu jidhar aaj ja raha hai dost

wo meri rahguzar na ho jae

azm-e-rah-e-mazar-e-bulbul par

pursish-e-baal-o-par na ho jae

KHud-satai kahin 'azim' apni

be-niyaz-e-asar na ho jae