un lamhon ko guzre bhi ab ek zamana bit gaya

un lamhoñ ko guzre bhī ab ek zamāna biit gayā

aadhī adhūrī bāteñ kar ke chalā vo merā miit gayā

sāvan kī bhīgī rātoñ meñ peḌoñ kī ThanDī chhāñv meñ

lafzoñ meñ bāñdhā thā jis ko kahāñ vo merā giit gayā

jamunā gangā ke sangam kī niilī piilī lahroñ meñ

ḳhat meñ mere giit tumhāre jīvan kā sangīt gayā

raat kī raanī ke saa.e meñ puure chāñd kī aadhī rāteñ

duniyā sotī ham the jaage pyaar hamārā jiit gayā

kal sochā thā kal mil leñge aaj ye sochā kal dekheñge

tum se milne kī chāhat meñ saal ye saarā biit gayā

un lamhon ko guzre bhi ab ek zamana bit gaya

aadhi adhuri baaten kar ke chala wo mera mit gaya

sawan ki bhigi raaton mein peDon ki ThanDi chhanw mein

lafzon mein bandha tha jis ko kahan wo mera git gaya

jamuna ganga ke sangam ki nili pili lahron mein

KHat mein mere git tumhaare jiwan ka sangit gaya

raat ki rani ke sae mein pure chand ki aadhi raaten

duniya soti hum the jage pyar hamara jit gaya

kal socha tha kal mil lenge aaj ye socha kal dekhenge

tum se milne ki chahat mein sal ye sara bit gaya