un ne kiya tha yaad mujhe bhul kar kahin

un ne kiyā thā yaad mujhe bhuul kar kahīñ

paatā nahīñ huuñ tab se maiñ apnī ḳhabar kahīñ

aa jaa.e aise jiine se apnā to jī ba-tañg

jiitā rahegā kab talak ai ḳhizr mar kahīñ

phirtī rahī taḌaptī hī aalam meñ jā-ba-jā

dekhā na merī aah ne rū-e-asar kahīñ

muddat talak jahān meñ hañste phirā kiye

jī meñ hai ḳhuub roiye ab baiTh kar kahīñ

yuuñ to nazar paḌe haiñ dil-afgār aur bhī

dil riish koī aap sā dekhā na par kahīñ

zālim jafā jo chāhe so kar mujh pe tū vale

pachhtāve phir to aap hī aisā na kar kahīñ

phirte to ho banā.e saj apnī jidhar tidhar

lag jaave dekhiyo na kasū kī nazar kahīñ

pūchhā maiñ dard se ki batā tū sahī mujhe

ai ḳhānumāñ-ḳharāb hai tere bhī ghar kahīñ

kahne lagā makān-e-muayyan faqīr ko

lāzim hai kyā ki ek hī jāgah ho har kahīñ

darvesh har kujā ki shab aamad sarā-e-ūst

tū ne sunā nahīñ hai ye misra.a magar kahīñ

un ne kiya tha yaad mujhe bhul kar kahin

pata nahin hun tab se main apni KHabar kahin

aa jae aise jine se apna to ji ba-tang

jita rahega kab talak ai KHizr mar kahin

phirti rahi taDapti hi aalam mein ja-ba-ja

dekha na meri aah ne ru-e-asar kahin

muddat talak jahan mein hanste phira kiye

ji mein hai KHub roiye ab baiTh kar kahin

yun to nazar paDe hain dil-afgar aur bhi

dil rish koi aap sa dekha na par kahin

zalim jafa jo chahe so kar mujh pe tu wale

pachhtawe phir to aap hi aisa na kar kahin

phirte to ho banae saj apni jidhar tidhar

lag jawe dekhiyo na kasu ki nazar kahin

puchha main dard se ki bata tu sahi mujhe

ai KHanuman-KHarab hai tere bhi ghar kahin

kahne laga makan-e-muayyan faqir ko

lazim hai kya ki ek hi jagah ho har kahin

darwesh har kuja ki shab aamad sara-e-ust

tu ne suna nahin hai ye misra magar kahin