un se kaha ki sidq-e-mohabbat magar darogh

un se kahā ki sidq-e-mohabbat magar daroġh

kahne lage ye sach hai ki har tarah par daroġh

duzd-e-hinā pe duzdī-e-jāñ kā hai ittihām

ḳhūn-e-dil-o-jigar sar-e-teġh-e-nazar daroġh

aanā sabāh-e-hashr kā shām-e-firāq jhuuT

uḌ jaanā shor-e-nāla se rañg-e-sahar daroġh

har lahza teġh jānñā abrū kā iftirāk

har lamha zauq-e-qatl meñ sar haath par daroġh

sar sañg-e-dar se phoḌnā vahshat meñ nā-subūt

gir jaanā sail-e-ashk se dīvār-o-dar daroġh

ḳhūn-e-jigar bajā.e mai-e-nāb nā-durust

ātish-zanī-e-shola-fishāñ chashm-e-tar daroġh

jaañ aur figār-e-tīr-e-mizha kis qadar ġhalat

dil aur asīr-e-rishta-e-mū sar-ba-sar daroġh

be-jāñ ho aur jiite ho furqat meñ iḳhtirā.a

be-dil ho aur niyāz-e-nigah hai jigar daroġh

TukḌe nigāh-e-nāz se dil aap kā durust

vahm-e-nazar se duur hamārī kamar daroġh

uḌtā hai rañg saath hī āvāz-e-nāz ke

chīn-e-jabīñ se aap ko itnā ḳhatar daroġh

hai nā-sipās-e-vasl dil-e-hijr-e-dost ḳhabt

hai pāk-bāz chashm-e-haqīqat-nigar daroġh

kūche meñ mere le ke sabā aa.egī bajā

tum ḳhaak ho ga.e ho sar-e-rahguzar daroġh

ham ko talāsh aap kī aur dar-ba-dar muhāl

jazb-e-dil-o-jigar se umīd-e-asar daroġh

ham aur na.ash uThāne ko aate ḳhilāf-e-aql

marg-e-shab-e-firāq kī har sū ḳhabar daroġh

ye zabt-e-vaz.a naam 'qalaq' qissa muḳhtasar

shā.ir ho har tarah hai tumhārā hunar daroġh

un se kaha ki sidq-e-mohabbat magar darogh

kahne lage ye sach hai ki har tarah par darogh

duzd-e-hina pe duzdi-e-jaan ka hai ittiham

KHun-e-dil-o-jigar sar-e-tegh-e-nazar darogh

aana sabah-e-hashr ka sham-e-firaq jhuT

uD jaana shor-e-nala se rang-e-sahar darogh

har lahza tegh jaanna abru ka iftirak

har lamha zauq-e-qatl mein sar hath par darogh

sar sang-e-dar se phoDna wahshat mein na-subut

gir jaana sail-e-ashk se diwar-o-dar darogh

KHun-e-jigar bajae mai-e-nab na-durust

aatish-zani-e-shola-fishan chashm-e-tar darogh

jaan aur figar-e-tir-e-mizha kis qadar ghalat

dil aur asir-e-rishta-e-mu sar-ba-sar darogh

be-jaan ho aur jite ho furqat mein iKHtiraa

be-dil ho aur niyaz-e-nigah hai jigar darogh

TukDe nigah-e-naz se dil aap ka durust

wahm-e-nazar se dur hamari kamar darogh

uDta hai rang sath hi aawaz-e-naz ke

chin-e-jabin se aap ko itna KHatar darogh

hai na-sipas-e-wasl dil-e-hijr-e-dost KHabt

hai pak-baz chashm-e-haqiqat-nigar darogh

kuche mein mere le ke saba aaegi baja

tum KHak ho gae ho sar-e-rahguzar darogh

hum ko talash aap ki aur dar-ba-dar muhaal

jazb-e-dil-o-jigar se umid-e-asar darogh

hum aur nash uThane ko aate KHilaf-e-aql

marg-e-shab-e-firaq ki har su KHabar darogh

ye zabt-e-waza nam 'qalaq' qissa muKHtasar

shair ho har tarah hai tumhaara hunar darogh