un se mili nigah to mausam badal gaya

un se milī nigāh to mausam badal gayā

dāmān-e-chāk-chāk tamannā kā sil gayā

dil kā shagūfa us gul-e-nāzuk se khil gayā

dekhā zarā TaTol ke pahlū se dil gayā

tūfān ik balā kā mire āñsuoñ meñ thā

pighlā na vo kaleja samundar kā hil gayā

ishq-e-tabāh-hāl ne vo mo.ajiza kiyā

bāġh-e-iram se ḳhāna-e-vīrān mil gayā

us sang-dil ne paañv se maslī jo shāḳh-e-gul

aisā lagā ki dil kā koī zaḳhm chhil gayā

tū e.atibār-e-zīst se āñkheñ milā ke dekh

ḳhvāboñ ke pairahan meñ tirā ruup khil gayā

ye kaun hai utaar diyā zindagī se bojh

vo kaun thā jo dil pe mire rakh ke sil gayā

us kā ḳhayāl thā ki 'munavvar' ke dil ke daaġh

lekin añdherā dil se mire mustaqil gayā

un se mili nigah to mausam badal gaya

daman-e-chaak-chaak tamanna ka sil gaya

dil ka shagufa us gul-e-nazuk se khil gaya

dekha zara TaTol ke pahlu se dil gaya

tufan ek bala ka mere aansuon mein tha

pighla na wo kaleja samundar ka hil gaya

ishq-e-tabah-haal ne wo moajiza kiya

bagh-e-iram se KHana-e-viran mil gaya

us sang-dil ne panw se masli jo shaKH-e-gul

aisa laga ki dil ka koi zaKHm chhil gaya

tu eatibar-e-zist se aankhen mila ke dekh

KHwabon ke pairahan mein tera rup khil gaya

ye kaun hai utar diya zindagi se bojh

wo kaun tha jo dil pe mere rakh ke sil gaya

us ka KHayal tha ki 'munawwar' ke dil ke dagh

lekin andhera dil se mere mustaqil gaya