انہیں مقصود اگر ترک وطن کی آزمائش ہے

انہیں مقصود اگر ترک وطن کی آزمائش ہے

تو ہم سمجھیں گے اب رسم کہن کی آزمائش ہے

وہ کیا کوئی سکندر ہیں جو یہ اعلان کرتے ہیں

ہماری فرد میں دار و رسن کی آزمائش ہے

محبان وطن ہیں ہم ہماری آزمائش ہے

ہمیں درکار خود ننگ وطن کی آزمائش ہے

سخنداں کو بھی شاید امتحاں مقصود ہے اپنا

جو ہر ہر لفظ میں بابائے فن کی آزمائش ہے

ضیاؔ کے ذہن میں تعقید لفظی ہے تو حیرت کیا

اسے بھی اپنے اعلیٰ فکر و فن کی آزمائش ہے