uryan hi rahe lash gharib-ul-watani mein
uryāñ hī rahe laash ġharīb-ul-vatanī meñ
dhabbe mire isyāñ ke na aa.eñ kafanī meñ
iqrār pe bhī merī tabī.at nahīñ jamtī
vo lutf milā hai tirī paimāñ-shikanī meñ
dil TuuT ke juḌtā nahīñ shīsha ho to juḌ jaa.e
hai farq yahī soḳhtanī sāḳhtanī meñ
hasrat hai mirī aap kī tasvīr nahīñ hai
ik chiiz hai rakh lī hai chhupā kar kafanī meñ
ham bhī kabhī pariyoñ meñ rahā karte the 'shā.ir'
kyā dekhte ho ham ko ġharīb-ul-vatanī meñ
uryan hi rahe lash gharib-ul-watani mein
dhabbe mere isyan ke na aaen kafani mein
iqrar pe bhi meri tabiat nahin jamti
wo lutf mila hai teri paiman-shikani mein
dil TuT ke juDta nahin shisha ho to juD jae
hai farq yahi soKHtani saKHtani mein
hasrat hai meri aap ki taswir nahin hai
ek chiz hai rakh li hai chhupa kar kafani mein
hum bhi kabhi pariyon mein raha karte the 'shair'
kya dekhte ho hum ko gharib-ul-watani mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
