us bazm mein kya koi sune rae hamari
us bazm meñ kyā koī sune raa.e hamārī
ye baat ye auqāt kahāñ haa.e hamārī
ham chāhte kyā haiñ nahīñ ma.alūm kisī ko
kis tarah tabī.at koī bahlā.e hamārī
guzrī hai javānī baḌī be-rāh-ravī meñ
ai kaash za.īfī bhī guzar jaa.e hamārī
is shahr meñ rahnā hai bayābān meñ rahnā
sūrat nahīñ pahchānte ham-sā.e hamārī
ye ghar ye galī zehn meñ kar lījiye mahfūz
mumkin hai kabhī aap ko yaad aa.e hamārī
us bazm mein kya koi sune rae hamari
ye baat ye auqat kahan hae hamari
hum chahte kya hain nahin malum kisi ko
kis tarah tabiat koi bahlae hamari
guzri hai jawani baDi be-rah-rawi mein
ai kash zaifi bhi guzar jae hamari
is shahr mein rahna hai bayaban mein rahna
surat nahin pahchante ham-sae hamari
ye ghar ye gali zehn mein kar lijiye mahfuz
mumkin hai kabhi aap ko yaad aae hamari
- Book : Dil Ka Kia Rang Karoon (Pg. 76)
- Author : Anwer Shaoor
- Publication : Syed Farid Hussain (2014)
- Edition : 2014
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
