us but ko nahin hai Dar KHuda se
us but ko nahīñ hai Dar ḳhudā se
bigḌī bande se gar ḳhudā se
go ḳhalq bhī jaane haal merā
poshīda nahīñ magar ḳhudā se
hai ham se to aah aah karnā
denā is ko asar ḳhudā se
ham ne use apnā suud jaanā
pahuñchā bhī agar zarar ḳhudā se
dekhā hai maiñ jab se vo but-e-shoḳh
phir ga.ī hai mirī nazar ḳhudā se
bāzīche meñ hai udhar vo mashġhūl
aur ban rahī hai idhar ḳhudā se
kuchh ḳhuub nahīñ ye ḳhud-numā.ī
haañ ai but-e-shoḳh Dar ḳhudā se
hai bair ḳhudā.ī aur ḳhudī meñ
itnī bhī ḳhudī na kar ḳhudā se
ye saare ḳhudā-shanās haiñ lek
detā nahīñ koī ḳhabar ḳhudā se
ai 'mus.hafī' kuchh kamī nahīñ vaañ
jo chāhe so maañg par ḳhudā se
us but ko nahin hai Dar KHuda se
bigDi bande se gar KHuda se
go KHalq bhi jaane haal mera
poshida nahin magar KHuda se
hai hum se to aah aah karna
dena is ko asar KHuda se
hum ne use apna sud jaana
pahuncha bhi agar zarar KHuda se
dekha hai main jab se wo but-e-shoKH
phir gai hai meri nazar KHuda se
baziche mein hai udhar wo mashghul
aur ban rahi hai idhar KHuda se
kuchh KHub nahin ye KHud-numai
han ai but-e-shoKH Dar KHuda se
hai bair KHudai aur KHudi mein
itni bhi KHudi na kar KHuda se
ye sare KHuda-shanas hain lek
deta nahin koi KHabar KHuda se
ai 'mushafi' kuchh kami nahin wan
jo chahe so mang par KHuda se
- Book : kulliyat-e-mas.hafii(awwal) (Pg. 411)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
