اس چشم مےگسار کی آہستہ نغمگی

اس چشم مےگسار کی آہستہ نغمگی

پھر شعلہ آفریں نظر آتی ہے زندگی

اس شوخ کی نگاہ میں آیات خمریات

شان ربودگی میں ادائے سپردگی

پھر عام ہو گئیں ترے جلووں کی نکہتیں

نغمہ طراز ہے ترے قامت کی نازکی

یہ اور بات ہے کہ مرا دل اداس ہے

اب بھی جواں ہے اس قد رعنا کی دلبری

تو دل گرفتہ کیوں ہے ابھی رہ گزار میں

باقی ہے نقش پا کی شفق رنگ روشنی

گرچہ چراغ منبر و محراب بجھ گئے

ہوتا ہے پھر بھی دل میں چراغاں کبھی کبھی