us garmi-e-bazar se baDh kar nahin kuchh bhi
us garmī-e-bāzār se baḌh kar nahīñ kuchh bhī
sach jāniye dukkān ke andar nahīñ kuchh bhī
ham johd-e-musalsal se jahāñ TuuT ke gir jaa.eñ
vo lamha haqīqat hai muqaddar nahīñ kuchh bhī
majbūr tajassus ne kiyā hai hameñ varna
is qaid kī dīvār ke bāhar nahīñ kuchh bhī
ye merī tamannā hai ki jumbish meñ haiñ parde
ik ḳhvāhish-e-paiham hai pas-e-dar nahīñ kuchh bhī
afkār kī aqlīm virāsat hai hamārī
aur is ke sivā ham ko mayassar nahīñ kuchh bhī
darvesh bhī hote hue ham aise ġhanī haiñ
dārā.ī-e-duniyā-e-sikandar nahīñ kuchh bhī
jis taḳht-e-ġhinā par mutamakkin huuñ maiñ 'partav'
us daulat-e-behad ke barābar nahīñ kuchh bhī
us garmi-e-bazar se baDh kar nahin kuchh bhi
sach jaaniye dukkan ke andar nahin kuchh bhi
hum johd-e-musalsal se jahan TuT ke gir jaen
wo lamha haqiqat hai muqaddar nahin kuchh bhi
majbur tajassus ne kiya hai hamein warna
is qaid ki diwar ke bahar nahin kuchh bhi
ye meri tamanna hai ki jumbish mein hain parde
ek KHwahish-e-paiham hai pas-e-dar nahin kuchh bhi
afkar ki aqlim wirasat hai hamari
aur is ke siwa hum ko mayassar nahin kuchh bhi
darwesh bhi hote hue hum aise ghani hain
darai-e-duniya-e-sikandar nahin kuchh bhi
jis taKHt-e-ghina par mutamakkin hun main 'partaw'
us daulat-e-behad ke barabar nahin kuchh bhi
- Book : Pakistani Adab (Pg. 379)
- Author : Dr. Rashid Amjad
- Publication : Pakistan Academy of Letters, Islambad, Pakistan (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
