اس کا اثر نسوں میں یوں گھلتا چلا گیا

اس کا اثر نسوں میں یوں گھلتا چلا گیا

پتھر سا بت بنا میں پگھلتا چلا گیا

اس سے ذرا سی دیر کو کیا گفتگو ہوئی

موسم اداس دل كا بدلتا چلا گیا

مٹی كا اک دیا تھا ہواؤں کے درمیاں

جلنے پہ آ گیا تو وہ جلتا چلا گیا

پہلے تو اس میں کئی بھی جنبش نہیں ہوئی

پھسلا جو ایک بار پھسلتا چلا گیا

قطرہ تھا ہم نے اس کو سمندر بنا دیا

پھر وہ ہماری پیاس نگلتا چلا گیا

جانے کہاں کہاں سے مجھے حوصلہ ملا

چلنا تھا دور تک سو میں چلتا چلا گیا