us ka badan hai dhup se aur dil ghaTaon se

us kā badan hai dhuup se aur dil ghaTāoñ se

aise ḳhamīr uThtā hai do intihāoñ se

jo zo'm-e-‘ishq le ke chale haiñ huzūr-e-husn

merī taraf se tā’ziyat un sab kī maaoñ se

vo deviyāñ bhī raunaq-e-bāzār ho ga.iiñ

apnī nigāh uThtī na thī jin ke paañv se

razzāq kaun apnā sarāpā hī rizq hai

chhīnegā kyā ridā koī ham be-ridāoñ se

aapas meñ iḳhtiyār badalne kā band-o-bast

thā aur phir parī na milī devtāoñ se

ab to vahāñ na maañ hai na vo bazm-e-dil-barāñ

yā'nī bachā hī kyā hai ki raġhbat ho gaaoñ se

us ka badan hai dhup se aur dil ghaTaon se

aise KHamir uThta hai do intihaon se

jo zo'm-e-‘ishq le ke chale hain huzur-e-husn

meri taraf se ta’ziyat un sab ki maon se

wo dewiyan bhi raunaq-e-bazar ho gain

apni nigah uThti na thi jin ke panw se

razzaq kaun apna sarapa hi rizq hai

chhinega kya rida koi hum be-ridaon se

aapas mein iKHtiyar badalne ka band-o-bast

tha aur phir pari na mili dewtaon se

ab to wahan na man hai na wo bazm-e-dil-baran

ya'ni bacha hi kya hai ki raghbat ho gaon se