us ka haal-e-kamar khula hamdam
Interesting Fact
In Urdu poetry, masters often composed non-punctuated ghazal to show their command over the language, that is, a ghazal whose text are such that there is no dot in it, this ghazal also belongs to the same class.
us kā hāl-e-kamar khulā hamdam
ham ko mulk-e-adam milā hamdam
hāl-e-dil 'mehr' kā khulā hamdam
dard hamdard-e-dil huā hamdam
vālih-e-kākul-e-rasā hamdam
sar-e-saudā kā ho rahā hamdam
dard ham ko huā davā hamdam
aur lillāh dil dukhā hamdam
dil kā hāsil ho mudda.ā hamdam
rahm kar aa idhar ko aa hamdam
allāh allāh lāla-e-kohsār
gul-e-lauh-e-lahad huā hamdam
mausam-e-gul ho koh-e-sahrā ho
sar ho saudā ho valvalā hamdam
ham ko daura-e-surūr va.ada-e-vasl
daur hogā mudām kā hamdam
hukm ham ko huā ki gul khaao
vaah vaah aur gul khilā hamdam
hogā ma.alūm hāl-e-rūh allāh
la.al-e-dil-dār gar hilā hamdam
allāh allāh āh-e-sard-e-sahar
garm kis kis tarah huā hamdam
kis tarah kā mo.āmla hogā
vasl us kā agar huā hamdam
kis tarah tāle-e-adū ho sa.ad
kis tarah ullū ho humā hamdam
ham ko us la.al kā dikhā aalam
muskurā kar lahū rulā hamdam
dām-e-kākul ho silsila hamdam
gar sar-e-mū girah ho vā hamdam
dil kā vo haal is kā vo aalam
kis kā ho ham ko aasrā hamdam
rakho 'mehr' us ko likkho aur tarah
daur-e-kilk-e-mudām lā hamdam
us ka haal-e-kamar khula hamdam
hum ko mulk-e-adam mila hamdam
haal-e-dil 'mehr' ka khula hamdam
dard hamdard-e-dil hua hamdam
walih-e-kakul-e-rasa hamdam
sar-e-sauda ka ho raha hamdam
dard hum ko hua dawa hamdam
aur lillah dil dukha hamdam
dil ka hasil ho muddaa hamdam
rahm kar aa idhar ko aa hamdam
allah allah lala-e-kohsar
gul-e-lauh-e-lahad hua hamdam
mausam-e-gul ho koh-e-sahra ho
sar ho sauda ho walwala hamdam
hum ko daura-e-surur wada-e-wasl
daur hoga mudam ka hamdam
hukm hum ko hua ki gul khao
wah wah aur gul khila hamdam
hoga malum haal-e-ruh allah
lal-e-dil-dar gar hila hamdam
allah allah aah-e-sard-e-sahar
garm kis kis tarah hua hamdam
kis tarah ka moamla hoga
wasl us ka agar hua hamdam
kis tarah tale-e-adu ho sad
kis tarah ullu ho huma hamdam
hum ko us lal ka dikha aalam
muskura kar lahu rula hamdam
dam-e-kakul ho silsila hamdam
gar sar-e-mu girah ho wa hamdam
dil ka wo haal is ka wo aalam
kis ka ho hum ko aasra hamdam
rakho 'mehr' us ko likkho aur tarah
daur-e-kilk-e-mudam la hamdam
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
