اس کا حال کمر کھلا ہمدم
دلچسپ معلومات
اردو شاعری میں اساتذہ اپنی قادر الکلامی کا ثبوت دینے کے لئے غیر منقوط غزل بھی کہتے تھے ، یعنی ایسی غزل جس کے سارے لفظ ایسے ہوں جس میں کوئی نقطہ نہ ہو ، یہ بھی غزل اسی قبیل کی ہے ۔
اس کا حال کمر کھلا ہمدم
ہم کو ملک عدم ملا ہمدم
حال دل مہرؔ کا کھلا ہمدم
درد ہمدرد دل ہوا ہمدم
والہ کاکل رسا ہمدم
سر سودا کا ہو رہا ہمدم
درد ہم کو ہوا دوا ہمدم
اور للہ دل دکھا ہمدم
دل کا حاصل ہو مدعا ہمدم
رحم کر آ ادھر کو آ ہمدم
اللہ اللہ لالۂ کہسار
گل لوح لحد ہوا ہمدم
موسم گل ہو کوہ صحرا ہو
سر ہو سودا ہو ولولا ہمدم
ہم کو دور سرور وعدۂ وصل
دور ہوگا مدام کا ہمدم
حکم ہم کو ہوا کہ گل کھاؤ
واہ واہ اور گل کھلا ہمدم
ہوگا معلوم حال روح اللہ
لعل دل دار گر ہلا ہمدم
اللہ اللہ آہ سرد سحر
گرم کس کس طرح ہوا ہمدم
کس طرح کا معاملہ ہوگا
وصل اس کا اگر ہوا ہمدم
کس طرح طالع عدو ہو سعد
کس طرح الو ہو ہما ہمدم
ہم کو اس لعل کا دکھا عالم
مسکرا کر لہو رلا ہمدم
دام کاکل ہو سلسلہ ہمدم
گر سر مو گرہ ہو وا ہمدم
دل کا وہ حال اس کا وہ عالم
کس کا ہو ہم کو آسرا ہمدم
رکھو مہرؔ اس کو لکھو اور طرح
دور کلک مدام لا ہمدم
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
