uske chehre par ajab sa rup tha achchha laga

us ke chehre par ajab sā ruup thā achchhā lagā

us kī ḳhushbu-e-badan se rābta achchhā lagā

lams us ke haath kā phir hai rag-o-pai meñ ravāñ

chand lamhoñ ke milan ko sochnā achchhā lagā

maiñ ne phir dil se kahā us shaḳhs kī bai'at karo

vo jo har lamha mujhe achchhā lagā sachchā lagā

apnī tanhā.ī se kaisī ho ga.ī mānūs maiñ

aaj apnā ḳhālī ḳhālī ghar baḌā achchhā lagā

us ne az-rāh-e-takalluf mujh se pūchhā hāl-e-dil

ye achānak hone vaalā vāqi.a achchhā lagā

ye jahāñ yak-laḳht kitnā ḳhūbsūrat ho gayā

tum bahut achchhī ho jab us ne kahā achchhā lagā

chup kī chādar taan kar ahl-e-qafas ke vāste

sūliyoñ par bolne kā mashvara achchhā lagā

jis ghaḌī us ne mujhe dekhā nazar bhar ke kabhī

mujh ko apnā aap bhī us vaqt kyā achchhā lagā

Darte Darte dostoñ kī bazm meñ 'suġhrā' 'sadaf'

ek duuje ko musalsal dekhnā achchhā lagā

us ke chehre par ajab sa rup tha achchha laga

us ki KHushbu-e-badan se rabta achchha laga

lams us ke hath ka phir hai rag-o-pai mein rawan

chand lamhon ke milan ko sochna achchha laga

main ne phir dil se kaha us shaKHs ki bai'at karo

wo jo har lamha mujhe achchha laga sachcha laga

apni tanhai se kaisi ho gai manus main

aaj apna KHali KHali ghar baDa achchha laga

us ne az-rah-e-takalluf mujh se puchha haal-e-dil

ye achanak hone wala waqia achchha laga

ye jahan yak-laKHt kitna KHubsurat ho gaya

tum bahut achchhi ho jab us ne kaha achchha laga

chup ki chadar tan kar ahl-e-qafas ke waste

suliyon par bolne ka mashwara achchha laga

jis ghaDi us ne mujhe dekha nazar bhar ke kabhi

mujh ko apna aap bhi us waqt kya achchha laga

Darte Darte doston ki bazm mein 'sughra' 'sadaf'

ek duje ko musalsal dekhna achchha laga