uske liye kuchh bhi karo anjam shikayat

us ke liye kuchh bhī karo anjām shikāyat

lagtā hai ki us kā to hai bas kaam shikāyat

jo kuchh use darkār hai vo sab hai mayassar

kis baat kī kartā hai vo gulfām shikāyat

gulshan kī fazā meñ bhī ham āzād kahāñ the

sayyād se karte jo tah-e-dām shikāyat

ham ne hī na ḳhud ko kiyā tere liye tayyār

tujh se nahīñ kuchh gardish-e-ayyām shikāyat

har shaḳhs kī kartā hai shikāyat jo tū ai shaiḳh

aisā na ho paḌ jaa.e tirā naam shikāyat

mauqa hī na paaya kabhī tanhā.ī meñ varna

karte na kabhī tujh se sar-e-ām shikāyat

ham farsh-nashīñ ḳhush haiñ isī baat pe 'bāsir'

pahuñchī to kisī taur lab-e-bām shikāyat

us ke liye kuchh bhi karo anjam shikayat

lagta hai ki us ka to hai bas kaam shikayat

jo kuchh use darkar hai wo sab hai mayassar

kis baat ki karta hai wo gulfam shikayat

gulshan ki faza mein bhi hum aazad kahan the

sayyaad se karte jo tah-e-dam shikayat

hum ne hi na KHud ko kiya tere liye tayyar

tujh se nahin kuchh gardish-e-ayyam shikayat

har shaKHs ki karta hai shikayat jo tu ai shaiKH

aisa na ho paD jae tera nam shikayat

mauqa hi na paya kabhi tanhai mein warna

karte na kabhi tujh se sar-e-am shikayat

hum farsh-nashin KHush hain isi baat pe 'basir'

pahunchi to kisi taur lab-e-baam shikayat