uske rang mein rangi guzar jae

us ke rañg meñ rañgī guzar jaa.e

zindagī phir mirī sañvar jaa.e

zindagī maut kī amānat hai

phir bhalā koī kyoñ mukar jaa.e

zindagī ik dhueñ kā marġhola

jab havā tez ho bikhar jaa.e

us ne me.arāj-e-zindagī paa.ī

jo ḳhudā kī razā meñ mar jaa.e

mustahiq log haath malte haiñ

aur gadāgar kī jholī bhar jaa.e

gar hidāyat na ho tirī mujh ko

terā dīvāna phir kidhar jaa.e

ye alāmat bhī hai munāfiq kī

va.ada karke bhī jo mukar jaa.e

zindagī zindagī nahīñ 'nashtar'

jo faqat khel meñ guzar jaa.e

us ke rang mein rangi guzar jae

zindagi phir meri sanwar jae

zindagi maut ki amanat hai

phir bhala koi kyon mukar jae

zindagi ek dhuen ka marghola

jab hawa tez ho bikhar jae

us ne mearaj-e-zindagi pai

jo KHuda ki raza mein mar jae

mustahiq log hath malte hain

aur gadagar ki jholi bhar jae

gar hidayat na ho teri mujh ko

tera diwana phir kidhar jae

ye alamat bhi hai munafiq ki

wada karke bhi jo mukar jae

zindagi zindagi nahin 'nashtar'

jo faqat khel mein guzar jae