uske siwa kya apni daulat
us ke sivā kyā apnī daulat
soz-e-tamannā dard-e-basīrat
apne alāva kaun milegā
kis se karne jaa.eñ adāvat
sikkoñ kā bāzār hai duniyā
miltī kyā ehsās kī qīmat
nāḳhun-e-daurāñ aur ġhazab thā
bhartā bhī kyā zaḳhm-e-farāsat
har dhaḌkan afsāna ban kar
khol rahī hai dil kī haqīqat
zaḳhmoñ phūloñ kī ye duniyā
dil kā jahannum aañkh kī jannat
kitne tajarbe ek tamannā
kitne ḳhvāb aur ek mohabbat
but-kada-e-fan terī ḳhātir
gaḌhtā huuñ taḳh.īl kī mūrat
karte 'hurmat' kī ġham-ḳhvārī
ġham ne kahāñ dī itnī mohlat
us ke siwa kya apni daulat
soz-e-tamanna dard-e-basirat
apne alawa kaun milega
kis se karne jaen adawat
sikkon ka bazar hai duniya
milti kya ehsas ki qimat
naKHun-e-dauran aur ghazab tha
bharta bhi kya zaKHm-e-farasat
har dhaDkan afsana ban kar
khol rahi hai dil ki haqiqat
zaKHmon phulon ki ye duniya
dil ka jahannum aankh ki jannat
kitne tajarbe ek tamanna
kitne KHwab aur ek mohabbat
but-kada-e-fan teri KHatir
gaDhta hun taKHil ki murat
karte 'hurmat' ki gham-KHwari
gham ne kahan di itni mohlat
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
