uski aankhon mein barha maine KHud ko hansta hua sa paya hai

us kī āñkhoñ meñ bārhā maiñ ne ḳhud ko hañstā huā sā paayā hai

us kī āvāz kī khanak meñ kabhī merā lahja sā gungunāyā hai

merī zulfeñ khulīñ to vo mahkā hoñT us ke hile to maiñ bolī

merī sargoshiyoñ meñ bhī aksar zikr ban kar vo muskurāyā hai

maiñ ne sochā jo us ke baare meñ Dhal gayā ḳhud vo mere paikar meñ

jab pukārā hai us ko ghabrā kar vo merī dhaḌkanoñ tak aayā hai

kaj-ravish āsmāñ ko kyā kahiye ab to saayā gurez-pā sā huā

DhūñDne us ko bārhā kal shab dar-ba-dar āftāb aayā hai

kis ko kahte haiñ jism-o-jān kā qurb maiñ nahīñ jāntī magar phir bhī

chauñk uTThī huuñ niiñd se aksar jab vo mere shahar tak aayā hai

kahnā chāhā thā kuchh dam-e-ruḳhsat ruk gayā thā magar na jaane kyuuñ

terī is an-kahī ne barsoñ tak mujh ko pahroñ lahū rulāyā hai

chāhatoñ meñ shu.ūr hai kitnā nisbateñ haiñ ġhayūr kis darja

jab huī sharmsār maiñ us kī chashm-e-tar meñ 'hijāb' aayā hai

us ki aankhon mein barha main ne KHud ko hansta hua sa paya hai

us ki aawaz ki khanak mein kabhi mera lahja sa gungunaya hai

meri zulfen khulin to wo mahka honT us ke hile to main boli

meri sargoshiyon mein bhi aksar zikr ban kar wo muskuraya hai

main ne socha jo us ke bare mein Dhal gaya KHud wo mere paikar mein

jab pukara hai us ko ghabra kar wo meri dhaDkanon tak aaya hai

kaj-rawish aasman ko kya kahiye ab to saya gurez-pa sa hua

DhunDne us ko barha kal shab dar-ba-dar aaftab aaya hai

kis ko kahte hain jism-o-jaan ka qurb main nahin jaanti magar phir bhi

chaunk uTThi hun nind se aksar jab wo mere shahar tak aaya hai

kahna chaha tha kuchh dam-e-ruKHsat ruk gaya tha magar na jaane kyun

teri is an-kahi ne barson tak mujh ko pahron lahu rulaya hai

chahaton mein shuur hai kitna nisbaten hain ghayur kis darja

jab hui sharmsar main us ki chashm-e-tar mein 'hijab' aaya hai