uski KHwahish hai yahi harf-e-wazahat ke baghair

us kī ḳhvāhish hai yahī harf-e-vazāhat ke baġhair

ab koī ḳhvāb bhī dekhe na ijāzat ke baġhair

ham ko DhūñDo to hameñ khone kī ḳhātir DhūñDo

ḳhvāb ta.abīr nahīñ hote haiñ hasrat ke baġhair

dil ko ik kār-e-musalsal ne rakhā hai ābād

ek lamha bhī nahīñ guzrā mohabbat ke baġhair

yuuñ bhī dushvār hai āsūda-e-sahrā honā

aur jab ḳhaak bhī ho jaanā ho vahshat ke baġhair

vaqt saffāk hai itnā kabhī sochā bhī na thā

ham use yaad na kar pā.eñge zahmat ke baġhair

ham tire qarya-e-jāñ-tāb meñ itnā Thahre

ya.anī ik lamha guzār aa.e haiñ ujlat ke baġhair

ab to ham ḳhud se bhī kam-kam hī milā karte haiñ

kisī ḳhvāhish se alag aur zarūrat ke baġhair

us ki KHwahish hai yahi harf-e-wazahat ke baghair

ab koi KHwab bhi dekhe na ijazat ke baghair

hum ko DhunDo to hamein khone ki KHatir DhunDo

KHwab tabir nahin hote hain hasrat ke baghair

dil ko ek kar-e-musalsal ne rakha hai aabaad

ek lamha bhi nahin guzra mohabbat ke baghair

yun bhi dushwar hai aasuda-e-sahra hona

aur jab KHak bhi ho jaana ho wahshat ke baghair

waqt saffak hai itna kabhi socha bhi na tha

hum use yaad na kar paenge zahmat ke baghair

hum tere qarya-e-jaan-tab mein itna Thahre

yani ek lamha guzar aae hain ujlat ke baghair

ab to hum KHud se bhi kam-kam hi mila karte hain

kisi KHwahish se alag aur zarurat ke baghair