اس کی خواہش تھی کہ در چھوڑ دوں در چھوڑ دیا

اس کی خواہش تھی کہ در چھوڑ دوں در چھوڑ دیا

لوٹ آیا میں بھی واپس وہ نگر چھوڑ دیا

پھر اثر کر نہ سکی ان پہ تو کوئی بھی دوا

تیری ان آنکھوں نے جن جن پہ اثر چھوڑ دیا

کل اٹھا لایا تھا میں خود کو اداس آنگن سے

میں نے آنسو کی رفاقت پہ گزر چھوڑ دیا

کوئی رستا تو یہاں سے کہیں جاتا ہی نہیں

میرے رہبر یہ تو نے مجھ کو کدھر چھوڑ دیا

خامشی بول اٹھی دیکھ کے تنہا مجھ کو

تو نے کیا دل میں اترنے کا ہنر چھوڑ دیا