uski to ek dil-lagi apna bana ke chhoD de

us kī to ek dil-lagī apnā banā ke chhoḌ de

jaa.e vo ab kahāñ jise sab se chhuḌā ke chhoḌ de

khel nahīñ hai bad-gumāñ qaul-o-qarār bhūlnā

phir se aazmā ke dekh yaad dilā ke chhoḌ de

nibh chukā zindagī kā saath jab ye abhī se haal hai

bojh baTāne vaalā hī biich meñ lā ke chhoḌ de

us se kaheñ to kyā kaheñ jis ke mizāj meñ ye zid

jab na lagī bujhā sake aag lagā ke chhoḌ de

raah tavīl paañv shal aur ye ham-safar kā haal

le to chale sambhāl ke biich meñ lā ke chhoḌ de

us ki to ek dil-lagi apna bana ke chhoD de

jae wo ab kahan jise sab se chhuDa ke chhoD de

khel nahin hai bad-guman qaul-o-qarar bhulna

phir se aazma ke dekh yaad dila ke chhoD de

nibh chuka zindagi ka sath jab ye abhi se haal hai

bojh baTane wala hi bich mein la ke chhoD de

us se kahen to kya kahen jis ke mizaj mein ye zid

jab na lagi bujha sake aag laga ke chhoD de

rah tawil panw shal aur ye ham-safar ka haal

le to chale sambhaal ke bich mein la ke chhoD de