usko ehsas ki KHushbu se riha karna tha

us ko ehsās kī ḳhushbū se rihā karnā thā

phuul ko shāḳh se khilte hī judā karnā thā

pūchh bārish se vo hañste hue roī kyoñ hai

mausam us ne to nasha-bār zarā karnā thā

talḳh lamhe nahīñ dete haiñ kabhī pyāsoñ ko

saañs ke saath na zahrāb ravā karnā thā

kis qadar ġham hai ye shāmoñ kī ḳhunuk rañgīnī

mujh ko lau se kisī chehre pe ravā karnā thā

chāñd puurā thā use yuuñ bhī na takte shab bhar

yuuñ bhī yādoñ kā har ik zaḳhm harā karnā thā

donoñ samtoñ ko hī muḌnā thā muḳhālif jānib

saath apnā hameñ sheroñ meñ likhā karnā thā

karb se aa.ī hai naināñ meñ ye nīlāhaT bhī

dard kī niilī rageñ dil meñ rakhā karnā thā

us ko ehsas ki KHushbu se riha karna tha

phul ko shaKH se khilte hi juda karna tha

puchh barish se wo hanste hue roi kyon hai

mausam us ne to nasha-bar zara karna tha

talKH lamhe nahin dete hain kabhi pyason ko

sans ke sath na zahrab rawa karna tha

kis qadar gham hai ye shamon ki KHunuk rangini

mujh ko lau se kisi chehre pe rawa karna tha

chand pura tha use yun bhi na takte shab bhar

yun bhi yaadon ka har ek zaKHm hara karna tha

donon samton ko hi muDna tha muKHalif jaanib

sath apna hamein sheron mein likha karna tha

karb se aai hai nainan mein ye nilahaT bhi

dard ki nili ragen dil mein rakha karna tha