usko qubul meri judai na ho saki

us ko qubūl merī judā.ī na ho sakī

tanhā.ī merī mujh se parā.ī na ho sakī

bachpan se us ko shauq thā mehñdī kā dosto

lekin hathelī us kī hinā.ī na ho sakī

jitne pe maañg letā maiñ us kā jahāñ se haath

utnī kabhī bhī merī kamā.ī na ho sakī

guzrī tamām umr usūloñ kī qaid meñ

merī kabhī bhī un se rihā.ī na ho sakī

ḳhushiyāñ jo rūThīñ ham se to maanī nahīñ kabhī

lekin ġhamoñ se aisī jafā.ī na ho sakī

kyoñ nāḳhudā ko Dūbne vaalā nahīñ dikhā

kyoñ pur-asar kisī kī duhā.ī na ho sakī

vāqif huuñ tere dar kī siyāsat se is liye

mujh se tumhāre dar kī gadā.ī na ho sakī

sab kī lagā.ī ham ne bujhā.ī tamām umr

ham se kabhī lagā.ī-bujhā.ī na ho sakī

sahrā se aa ke shahr-e-suḳhan meñ Thahar ga.e

sahrā meñ ham se ābla-pā.ī na ho sakī

tujh se kisī kā saath nibhāyā nahīñ gayā

tujh se kabhī kisī kī bhalā.ī na ho sakī

jaane kahāñ se siikh lī us ne jafā.eñ aur

ham ne vafā jo us ko sikhā.ī na ho sakī

vo uTh gayā jo bazm-e-suḳhan se so us ke ba.ad

ahl-e-suḳhan se sher-sarā.ī na ho sakī

us ko qubul meri judai na ho saki

tanhai meri mujh se parai na ho saki

bachpan se us ko shauq tha mehndi ka dosto

lekin hatheli us ki hinai na ho saki

jitne pe mang leta main us ka jahan se hath

utni kabhi bhi meri kamai na ho saki

guzri tamam umr usulon ki qaid mein

meri kabhi bhi un se rihai na ho saki

KHushiyan jo ruThin hum se to mani nahin kabhi

lekin ghamon se aisi jafai na ho saki

kyon naKHuda ko Dubne wala nahin dikha

kyon pur-asar kisi ki duhai na ho saki

waqif hun tere dar ki siyasat se is liye

mujh se tumhaare dar ki gadai na ho saki

sab ki lagai hum ne bujhai tamam umr

hum se kabhi lagai-bujhai na ho saki

sahra se aa ke shahr-e-suKHan mein Thahar gae

sahra mein hum se aabla-pai na ho saki

tujh se kisi ka sath nibhaya nahin gaya

tujh se kabhi kisi ki bhalai na ho saki

jaane kahan se sikh li us ne jafaen aur

hum ne wafa jo us ko sikhai na ho saki

wo uTh gaya jo bazm-e-suKHan se so us ke baad

ahl-e-suKHan se sher-sarai na ho saki