usko tanhai mein sochun to machal jata hai

us ko tanhā.ī meñ sochūñ to machal jaatā hai

dil mirā kaisā hai jo sochoñ se jal jaatā hai

merī tanhā.ī sunā de jo mujhe merī ġhazal

merā paikar tirī tasvīr meñ Dhal jaatā hai

ro.ab-e-ḳhāmoshī hai yā is meñ hai poshīda jalāl

ġham sadā de ke hī chup-chāp nikal jaatā hai

merī ḳhāmoshī mujhe detī hai quvvat tab hī

Thokareñ khā ke mirā dil jo sañbhal jaatā hai

yuuñ to bajte haiñ ka.ī saaz taḳhayyul meñ mire

dil magar naġhma-e-jāñ sun ke bahal jaatā hai

kaun kahtā hai ki bāzār-e-vafā meñ dil kā

sikka jaisā bhī ho jaisā bhī ho chal jaatā hai

us ko dekhā hī nahīñ Thiik se 'fahmī' lekin

naam par us ke ye dil vahshī machal jaatā hai

us ko tanhai mein sochun to machal jata hai

dil mera kaisa hai jo sochon se jal jata hai

meri tanhai suna de jo mujhe meri ghazal

mera paikar teri taswir mein Dhal jata hai

roab-e-KHamoshi hai ya is mein hai poshida jalal

gham sada de ke hi chup-chap nikal jata hai

meri KHamoshi mujhe deti hai quwwat tab hi

Thokaren kha ke mera dil jo sanbhal jata hai

yun to bajte hain kai saz taKHayyul mein mere

dil magar naghma-e-jaan sun ke bahal jata hai

kaun kahta hai ki bazar-e-wafa mein dil ka

sikka jaisa bhi ho jaisa bhi ho chal jata hai

us ko dekha hi nahin Thik se 'fahmi' lekin

nam par us ke ye dil wahshi machal jata hai