usko tum mere talluq ka hawala dete

us ko tum mere ta.alluq kā havāla dete

maiñ bhī kal us kā shanāsā thā ye samjhā dete

ye amāvas kā añdherā hai ki chhuTtā hī nahīñ

kaash vo aa ke kabhī ghar ko ujālā dete

ham ne duniyā kā bahut saath diyā hai ab tak

kaash ik baar kabhī saath ham apnā dete

ham tahī-dast sahī phir bhī saḳhī haiñ itne

qatra miltā to evaz meñ tumheñ dariyā dete

dil-shikasta kī tasallī ko hai duniyā lekin

kaash vo bhī to kabhī aa ke sahārā dete

sirf ġhaflat ko to sonā nahīñ kahte 'at.har'

āñkhoñ ko niiñd hī ke saath meñ sapnā dete

us ko tum mere talluq ka hawala dete

main bhi kal us ka shanasa tha ye samjha dete

ye amawas ka andhera hai ki chhuTta hi nahin

kash wo aa ke kabhi ghar ko ujala dete

hum ne duniya ka bahut sath diya hai ab tak

kash ek bar kabhi sath hum apna dete

hum tahi-dast sahi phir bhi saKHi hain itne

qatra milta to ewaz mein tumhein dariya dete

dil-shikasta ki tasalli ko hai duniya lekin

kash wo bhi to kabhi aa ke sahaara dete

sirf ghaflat ko to sona nahin kahte 'athar'

aankhon ko nind hi ke sath mein sapna dete