us ku main hue hum wo lab-e-baam na aaya

us kū maiñ hue ham vo lab-e-bām na aayā

ai jazba-e-dil tū bhī kisī kaam na aayā

thā merī tarah ġhair ko bhī dāva-e-ulfat

nāseh tū use dene ko ilzām na aayā

be-bāl-o-parī khotī hai tauqīr-e-asīrī

sayyād yahāñ le ke kabhī daam na aayā

is naaz ke sadqe huuñ tire maiñ ki udū se

sau baar sunā hai pe mirā naam na aayā

kyā jāniye kis tarah diyā tū ne javāb aah

qāsid kī zabāñ par tirā paiġhām na aayā

taskīn' karūñ kyā dil-e-muztar kā ilaaj ab

kam-baḳht ko mar kar bhī to ārām na aayā

us ku main hue hum wo lab-e-baam na aaya

ai jazba-e-dil tu bhi kisi kaam na aaya

tha meri tarah ghair ko bhi dawa-e-ulfat

naseh tu use dene ko ilzam na aaya

be-baal-o-pari khoti hai tauqir-e-asiri

sayyaad yahan le ke kabhi dam na aaya

is naz ke sadqe hun tere main ki udu se

sau bar suna hai pe mera nam na aaya

kya jaaniye kis tarah diya tu ne jawab aah

qasid ki zaban par tera paigham na aaya

taskin' karun kya dil-e-muztar ka ilaj ab

kam-baKHt ko mar kar bhi to aaram na aaya