us manzar-e-sada mein kai jal bandhe the

us manzar-e-sāda meñ ka.ī jaal bañdhe the

jab us kā garebān khulā baal bañdhe the

ai zūd-farāmosh kahāñ tū hai ki tujh se

mere to shab-o-roz mah-o-sāl bañdhe the

vo rashk-e-ġhazālāñ thā magar daam meñ us ke

ham jaise ka.ī said-e-zabūñ-hāl bañdhe the

dekhe koī nāseh kī jo hālat hai ki ham to

us but kī mohabbat meñ bahar-hāl bañdhe the

sayyād ko phir bhī mirī parvāz kā Dar thā

maiñ garche qafas meñ thā par-o-bāl bañdhe the

yuuñ dil tah-o-bālā kabhī hote nahīñ dekhe

ik shaḳhs ke paañv se to bhauñchāl bañdhe the

vaqt aayā to maiñ maqtal-e-jāñ meñ thā akelā

yāroñ kī girah meñ faqat aqvāl bañdhe the

us manzar-e-sada mein kai jal bandhe the

jab us ka gareban khula baal bandhe the

ai zud-faramosh kahan tu hai ki tujh se

mere to shab-o-roz mah-o-sal bandhe the

wo rashk-e-ghazalan tha magar dam mein us ke

hum jaise kai said-e-zabun-haal bandhe the

dekhe koi naseh ki jo haalat hai ki hum to

us but ki mohabbat mein bahar-haal bandhe the

sayyaad ko phir bhi meri parwaz ka Dar tha

main garche qafas mein tha par-o-baal bandhe the

yun dil tah-o-baala kabhi hote nahin dekhe

ek shaKHs ke panw se to bhaunchaal bandhe the

waqt aaya to main maqtal-e-jaan mein tha akela

yaron ki girah mein faqat aqwal bandhe the