usne aise kaha shukriya mohtaram

us ne aise kahā shukriya mohtaram

maiñ bhī ḳhud ko samajhne lagā mohtaram

mujh se milte hue aam sā vo lagā

zikr terā kiyā aur huā mohtaram

shaah kā haath ham ko ye samjhā gayā

bujh ke hotā hai kaise diyā mohtaram

raah pūchhī hai ham ko batā dījiye

ham ne māñgā hai kab mashvara mohtaram

pattharoñ ke nagar se nikāleñ mujhe

lauT aa.egī merī sadā mohtaram

paañv mere zamīñ par ye Tikte na the

naam ke saath likkhā gayā mohtaram

ḳhud-shanāsī kī manzil hameñ jab milī

khul gayā ham pe bāb-e-fanā mohtaram

us ne aise kaha shukriya mohtaram

main bhi KHud ko samajhne laga mohtaram

mujh se milte hue aam sa wo laga

zikr tera kiya aur hua mohtaram

shah ka hath hum ko ye samjha gaya

bujh ke hota hai kaise diya mohtaram

rah puchhi hai hum ko bata dijiye

hum ne manga hai kab mashwara mohtaram

pattharon ke nagar se nikalen mujhe

lauT aaegi meri sada mohtaram

panw mere zamin par ye Tikte na the

nam ke sath likkha gaya mohtaram

KHud-shanasi ki manzil hamein jab mili

khul gaya hum pe bab-e-fana mohtaram