usne jazba hi nahin paya pighalne wala

us ne jazba hī nahīñ paayā pighalne vaalā

sham' kī tarah patangā nahīñ jalne vaalā

darguzar karne kī 'ādat se milā hai ye maqām

phuul barsāne lagā zahr ugalne vaalā

laḌkhaḌā jaa.e agar koī to ḳhushiyāñ na manā

girte girte bhī sañbhaltā hai sañbhalne vaalā

dostoñ kā kabhī ehsān uThātā hī nahīñ

le ke baisākhiyāñ dushman kī uchhalne vaalā

ye jo kam-zarfoñ ne kohrām machā rakkhā hai

ek do din se ziyāda nahīñ chalne vaalā

nukta-chīnoñ se kaho 'umr hai thoḌī un kī

maiñ vo sūraj huuñ jo jaldī nahīñ Dhalne vaalā

chāl-bāzī tirī ḳhud tujh ko hī le Dūbegī

ek din tū kaf-e-afsos hai malne vaalā

tū zamāne kī himāyat pe bharosa mat kar

ye hai girgiT kī tarah rang badalne vaalā

mujh ko phūñkoñ se bujhā pā.egā kyā koī 'shakīl'

vo diyā huuñ jo hai tūfān meñ jalne vaalā

us ne jazba hi nahin paya pighalne wala

sham' ki tarah patanga nahin jalne wala

darguzar karne ki 'adat se mila hai ye maqam

phul barsane laga zahr ugalne wala

laDkhaDa jae agar koi to KHushiyan na mana

girte girte bhi sanbhalta hai sanbhalne wala

doston ka kabhi ehsan uThata hi nahin

le ke baisakhiyan dushman ki uchhalne wala

ye jo kam-zarfon ne kohram macha rakkha hai

ek do din se ziyaada nahin chalne wala

nukta-chinon se kaho 'umr hai thoDi un ki

main wo suraj hun jo jaldi nahin Dhalne wala

chaal-bazi teri KHud tujh ko hi le Dubegi

ek din tu kaf-e-afsos hai malne wala

tu zamane ki himayat pe bharosa mat kar

ye hai girgiT ki tarah rang badalne wala

mujh ko phunkon se bujha paega kya koi 'shakil'

wo diya hun jo hai tufan mein jalne wala