usne kya kya nahin diya mujhko

us ne kyā kyā nahīñ diyā mujh ko

chain phir bhī nahīñ milā mujh ko

kal shab-e-hijr sharmsār huī

tū nahīñ hai nahīñ lagā mujh ko

ab kitāboñ se kuchh nahīñ hogā

maar Dālegā tajraba mujh ko

sochtā huuñ ki ab kahāñ jā.ūñ

tū bhī pāgal na kar sakā mujh ko

mujh se aage nahīñ nikal saktā

vo nahīñ degā rāsta mujh ko

maiñ jo baḌhtā huuñ sar-varaq kī taraf

khīñch letā hai hāshiya mujh ko

maiñ chhupā rahtā zindagī meñ aur

tū kahīñ aur DhūñDtā mujh ko

maiñ vahī shor likhtā rahtā huuñ

jis ne ḳhāmosh kar diyā mujh ko

us ne kya kya nahin diya mujh ko

chain phir bhi nahin mila mujh ko

kal shab-e-hijr sharmsar hui

tu nahin hai nahin laga mujh ko

ab kitabon se kuchh nahin hoga

mar Dalega tajraba mujh ko

sochta hun ki ab kahan jaun

tu bhi pagal na kar saka mujh ko

mujh se aage nahin nikal sakta

wo nahin dega rasta mujh ko

main jo baDhta hun sar-waraq ki taraf

khinch leta hai hashiya mujh ko

main chhupa rahta zindagi mein aur

tu kahin aur DhunDta mujh ko

main wahi shor likhta rahta hun

jis ne KHamosh kar diya mujh ko