usne toDa jahan koi paiman

us ne toḌā jahāñ koī paimāñ

marhale aur ho ga.e āsāñ

miir hai koī koī hai sultāñ

sochtā huuñ kahāñ gayā insāñ

āñdhiyoñ meñ jalā rahe the charāġh

haa.e vo log be-sar-o-sāmāñ

falsafī falsafoñ meñ Duub ga.e

aadmī kā lahū rahā arzāñ

abr ban kar baras hī jā.egā

khet se jab uThā ġham-e-dahqāñ

sho.ala-e-gul hai zaḳhm-e-dil kī tarah

ye chaman meñ bahār hai ki ḳhizāñ

sīna-e-sañg meñ bhī phuul khile

ġham jahāñ bhī huā ġham-e-pinhāñ

dil kī āzurdagī na pūchh 'zafar'

baat mere liye hai sañg-e-girāñ

us ne toDa jahan koi paiman

marhale aur ho gae aasan

mir hai koi koi hai sultan

sochta hun kahan gaya insan

aandhiyon mein jala rahe the charagh

hae wo log be-sar-o-saman

falsafi falsafon mein Dub gae

aadmi ka lahu raha arzan

abr ban kar baras hi jaega

khet se jab uTha gham-e-dahqan

shoala-e-gul hai zaKHm-e-dil ki tarah

ye chaman mein bahaar hai ki KHizan

sina-e-sang mein bhi phul khile

gham jahan bhi hua gham-e-pinhan

dil ki aazurdagi na puchh 'zafar'

baat mere liye hai sang-e-giran