usne yun hi to sar-e-rah na Toka hoga

us ne yuuñ hī to sar-e-rāh na Tokā hogā

merā ham-shakl koī us kā shanāsā hogā

sar pe saa.e kī jagah dhuup kā sahrā hogā

soch lo ye bhī zarā rāsta lambā hogā

qahr mausam ne vo toḌe haiñ ki jangal jangal

ab kisī peḌ meñ phal-phūl na pattā hogā

gard chehre pe jame yā jame ā.īne par

'aks har haal meñ dekhoge to dhuñdlā hogā

aa.ine phuuT ke rote haiñ to kahte haiñ suno

ham se ab bhāgte lamhoñ kā na pīchhā hogā

jagmagā jā.egā kuchh aur tirā shahr-e-badan

jā-ba-jā lams kā jab us meñ tamāshā hogā

us ne yun hi to sar-e-rah na Toka hoga

mera ham-shakl koi us ka shanasa hoga

sar pe sae ki jagah dhup ka sahra hoga

soch lo ye bhi zara rasta lamba hoga

qahr mausam ne wo toDe hain ki jangal jangal

ab kisi peD mein phal-phul na patta hoga

gard chehre pe jame ya jame aaine par

'aks har haal mein dekhoge to dhundla hoga

aaine phuT ke rote hain to kahte hain suno

hum se ab bhagte lamhon ka na pichha hoga

jagmaga jaega kuchh aur tera shahr-e-badan

ja-ba-ja lams ka jab us mein tamasha hoga