us se bhi aisi KHata ho ye zaruri to nahin

us se bhī aisī ḳhatā ho ye zarūrī to nahīñ

vo bhī majbūr-e-vafā ho ye zarūrī to nahīñ

log chehre pe ka.ī chehre chaḌhā lete haiñ

vo bhī khul kar hī milā ho ye zarūrī to nahīñ

ab ke jab us se milo haath dabā kar dekho

ab bhī vo tum se ḳhafā ho ye zarūrī to nahīñ

justujū kis kī hai ye dasht-e-fanā ke is paar

vo koī aur rahā ho ye zarūrī to nahīñ

daar pe khīñche ga.e kitne zamāne meñ 'shakīl'

har koī iisā rahā ho ye zarūrī to nahīñ

us se bhi aisi KHata ho ye zaruri to nahin

wo bhi majbur-e-wafa ho ye zaruri to nahin

log chehre pe kai chehre chaDha lete hain

wo bhi khul kar hi mila ho ye zaruri to nahin

ab ke jab us se milo hath daba kar dekho

ab bhi wo tum se KHafa ho ye zaruri to nahin

justuju kis ki hai ye dasht-e-fana ke is par

wo koi aur raha ho ye zaruri to nahin

dar pe khinche gae kitne zamane mein 'shakil'

har koi isa raha ho ye zaruri to nahin