us se mil kar hui maKHmur zuleKHa ki tarah

us se mil kar huī maḳhmūr zuleḳhā kī tarah

maiñ bhī huuñ 'ishq meñ mas.hūr zuleḳhā kī tarah

merā aa.iin hai īsār kisī miirā kā

aur bebākī hai dastūr zuleḳhā kī tarah

dukh to is kā hai magar huuñ maiñ barābar kī sharīk

dil to merā bhī huā chuur zuleḳhā kī tarah

'ishq sachchā ho muqaddas ho to martā kab hai

'ishq meñ yuuñ huuñ maiñ mash.hūr zuleḳhā kī tarah

is qadar ashk bahā.e haiñ tirī furqat meñ

ho ga.iiñ āñkheñ bhī be-nūr zuleḳhā kī tarah

'ishq kā kyā bhalā hāsil hai sivā.e is ke

hosh se ho ga.ī maiñ duur zuleḳhā kī tarah

bas vahī shaḳhs 'vilā' us kī mohabbat meñ mare

jis ko rusvā.ī ho manzūr zuleḳhā kī tarah

us se mil kar hui maKHmur zuleKHa ki tarah

main bhi hun 'ishq mein mashur zuleKHa ki tarah

mera aain hai isar kisi mera ka

aur bebaki hai dastur zuleKHa ki tarah

dukh to is ka hai magar hun main barabar ki sharik

dil to mera bhi hua chur zuleKHa ki tarah

'ishq sachcha ho muqaddas ho to marta kab hai

'ishq mein yun hun main mashhur zuleKHa ki tarah

is qadar ashk bahae hain teri furqat mein

ho gain aankhen bhi be-nur zuleKHa ki tarah

'ishq ka kya bhala hasil hai siwae is ke

hosh se ho gai main dur zuleKHa ki tarah

bas wahi shaKHs 'wila' us ki mohabbat mein mare

jis ko ruswai ho manzur zuleKHa ki tarah