us se mila to dil mera sarshaar ho gaya

us se milā to dil mirā sarshār ho gayā

aur phir bichhaḌ ke ḳhud se hī bezār ho gayā

kauḌī ke bhaav biktā hai is daur meñ zamīr

insān kā vajūd hī bāzār ho gayā

rishte havas kī aag meñ aise jale ke bas

ab to yaqīn apnoñ pe dushvār ho gayā

hirs-o-havas kī aag thī har-sū jalī huī

lekin zamīr merā madad-gār ho gayā

patthar kī choT sah gayā kuchh bhī huā nahīñ

lafzoñ kā tiir dil ke mire paar ho gayā

āñkhoñ se terī yaad kā sāvan baras paḌā

sapnā mirī hayāt kā sākār ho gayā

us se mila to dil mera sarshaar ho gaya

aur phir bichhaD ke KHud se hi bezar ho gaya

kauDi ke bhaw bikta hai is daur mein zamir

insan ka wajud hi bazar ho gaya

rishte hawas ki aag mein aise jale ke bas

ab to yaqin apnon pe dushwar ho gaya

hirs-o-hawas ki aag thi har-su jali hui

lekin zamir mera madad-gar ho gaya

patthar ki choT sah gaya kuchh bhi hua nahin

lafzon ka tir dil ke mere par ho gaya

aankhon se teri yaad ka sawan baras paDa

sapna meri hayat ka sakar ho gaya