اس سے ملنے کا کوئی جب سلسلہ مل جائے گا

اس سے ملنے کا کوئی جب سلسلہ مل جائے گا

اس کے دل تک جانے کا کچھ راستہ مل جائے گا

عمر بھر اس نے پڑھا ہے آئینہ بن کر مجھے

دیکھ لے اس کی نظر میرا پتہ مل جائے گا

اس کے چہرے پر پڑا پردہ ہٹا کر دیکھیے

اک کنول تو جھیل میں کھلتا ہوا مل جائے گا

پھول کے گملوں کو آنگن میں سجا کر دیکھیے

بند کمروں کو بھی خوشبو کا پتہ مل جائے گا

ان اندھیرے راستوں پر کچھ دئیے رکھتا تو چل

اک دیا دل میں ترے جلتا ہوا مل جائے گا