us shoKH ko apna karne ka be-samjhe na arman kar lena

us shoḳh ko apnā karne kā be-samjhe na armāñ kar lenā

bhūle se kabhī aisā saudā mat ai dil-e-nādāñ kar lenā

anjām-e-mohabbat kyā hogā āġhāz meñ is kā dhyān rahe

dariyā meñ utarne se pahle andāza-e-tūfāñ kar lenā

zāhir meñ ta.alluq laakh rahe ho saktī nahīñ hai yak-jehtī

dil denā kisī kāfir ko agar to pahle musalmāñ kar lenā

hai zabt-e-alam meñ poshīda me.arāj-e-taraqqī kā ziina

tum sabr-o-tahammul se apnī mushkil ko bhī āsāñ kar lenā

ik roz yahāñ se jaanā hai ye baat hamesha yaad rahe

sāmān-e-safar kuchh kar lenā kuchh kār-e-numāyāñ kar lenā

suntā huuñ 'riyāz' is duniyā meñ ik roz shafaq kī shohrat thī

un jaise muazziz logoñ kā tum ḳhud ko sanā-ḳhvāñ kar lenā

us shoKH ko apna karne ka be-samjhe na arman kar lena

bhule se kabhi aisa sauda mat ai dil-e-nadan kar lena

anjam-e-mohabbat kya hoga aaghaz mein is ka dhyan rahe

dariya mein utarne se pahle andaza-e-tufan kar lena

zahir mein talluq lakh rahe ho sakti nahin hai yak-jehti

dil dena kisi kafir ko agar to pahle musalman kar lena

hai zabt-e-alam mein poshida mearaj-e-taraqqi ka zina

tum sabr-o-tahammul se apni mushkil ko bhi aasan kar lena

ek roz yahan se jaana hai ye baat hamesha yaad rahe

saman-e-safar kuchh kar lena kuchh kar-e-numayan kar lena

sunta hun 'riyaz' is duniya mein ek roz shafaq ki shohrat thi

un jaise muazziz logon ka tum KHud ko sana-KHwan kar lena