us shoKH se kya kijiye izhaar-e-tamanna

us shoḳh se kyā kījiye iz.hār-e-tamannā

ye log koī sunte haiñ guftār-e-tamannā

ik aarzū sab le ga.e saath apne jahāñ se

anjām kisū se na huā kār-e-tamannā

ye ḳhūbī-e-qismat ki mile bāġh-e-jahāñ se

sab ko gul-e-umīd o hameñ ḳhār-e-tamannā

hasrat se bharā dil mire pahlū meñ nahīñ hai

phirtā huuñ baġhal meñ liye tūmār-e-tamannā

pahlū ko mire baaġh kiyā ishq ne tere

zaḳhmoñ se mirā dil huā gulzār-e-tamannā

murdoñ se 'huzūr' ho na sake minnat-e-dūnā

sar jaa.e par un se na uThe bār-e-tamannā

us shoKH se kya kijiye izhaar-e-tamanna

ye log koi sunte hain guftar-e-tamanna

ek aarzu sab le gae sath apne jahan se

anjam kisu se na hua kar-e-tamanna

ye KHubi-e-qismat ki mile bagh-e-jahan se

sab ko gul-e-umid o hamein KHar-e-tamanna

hasrat se bhara dil mere pahlu mein nahin hai

phirta hun baghal mein liye tumar-e-tamanna

pahlu ko mere bagh kiya ishq ne tere

zaKHmon se mera dil hua gulzar-e-tamanna

murdon se 'huzur' ho na sake minnat-e-duna

sar jae par un se na uThe bar-e-tamanna