us shoKH se milte hi hui apni nazar tez

us shoḳh se milte hī huī apnī nazar tez

hai mehr-e-daraḳhshāñ kī shuāoñ kā asar tez

vo peḌ jo tezāb se sairāb huā thā

us peḌ kā hone lagā har ek samar tez

vo manzil-e-maqsūd pe pahuñchegā yaqīnan

jo raah meñ chaltā rahe be-ḳhauf-o-ḳhatar tez

detā hai jidhar un ko mafād apnā dikhā.ī

arbāb-e-havas shauq se baḌhte haiñ udhar tez

be-nūr na kar jaa.e fasādāt kī āñdhī

lau ghar ke charāġhoñ kī zarā aur bhī kar tez

āsār qayāmat ke nazar aate haiñ 'āsī'

is daur meñ dekhā gayā har ek bashar tez

us shoKH se milte hi hui apni nazar tez

hai mehr-e-daraKHshan ki shuaon ka asar tez

wo peD jo tezab se sairab hua tha

us peD ka hone laga har ek samar tez

wo manzil-e-maqsud pe pahunchega yaqinan

jo rah mein chalta rahe be-KHauf-o-KHatar tez

deta hai jidhar un ko mafad apna dikhai

arbab-e-hawas shauq se baDhte hain udhar tez

be-nur na kar jae fasadat ki aandhi

lau ghar ke charaghon ki zara aur bhi kar tez

aasar qayamat ke nazar aate hain 'asi'

is daur mein dekha gaya har ek bashar tez