us sitamgar ne mujhe aaj pukara kyon hai

us sitamgar ne mujhe aaj pukārā kyoñ hai

sard hoñToñ pe muravvat kā fasāna kyoñ hai

mirī vahshat hai chhupī us kī nazar meñ kyūñkar

us kā chehra mire chehre kī tarah kā kyoñ hai

bāda-e-jāñ meñ utartā hai jo qatra-qatra

vo dil-afroz suḳhan dard ne sīñchā kyoñ hai

dāman-e-dil meñ chhupā.ī haiñ gulābī yādeñ

kaun mahkā hai yahāñ aaj ye dhaḌkā kyoñ hai

vo mujhe kahtā hai ḳhushbū huuñ ġhazal huuñ us kī

us ke lahje meñ magar ḳhauf ḳhizāñ kā kyoñ hai

fāsle baḌhne lage kam na huī majbūrī

dil-e-barbād ko ik shaḳhs kā saudā kyoñ hai

rasm-e-ulfat ko nibhātā hai na jaatā hai kahīñ

vo mujhe bhuul chukā hai to chhupātā kyoñ hai

raaz khultā hai mohabbat kā zarā ruk ruk kar

surḳh phūloñ ke liye koī divāna kyoñ hai

garche 'nīlam' ne kisī ḳhvāb ko sochā to nahīñ

us kī āñkhoñ meñ abhī ek darīcha kyoñ hai

us sitamgar ne mujhe aaj pukara kyon hai

sard honTon pe murawwat ka fasana kyon hai

meri wahshat hai chhupi us ki nazar mein kyunkar

us ka chehra mere chehre ki tarah ka kyon hai

baada-e-jaan mein utarta hai jo qatra-qatra

wo dil-afroz suKHan dard ne sincha kyon hai

daman-e-dil mein chhupai hain gulabi yaaden

kaun mahka hai yahan aaj ye dhaDka kyon hai

wo mujhe kahta hai KHushbu hun ghazal hun us ki

us ke lahje mein magar KHauf KHizan ka kyon hai

fasle baDhne lage kam na hui majburi

dil-e-barbaad ko ek shaKHs ka sauda kyon hai

rasm-e-ulfat ko nibhata hai na jata hai kahin

wo mujhe bhul chuka hai to chhupata kyon hai

raaz khulta hai mohabbat ka zara ruk ruk kar

surKH phulon ke liye koi diwana kyon hai

garche 'nilam' ne kisi KHwab ko socha to nahin

us ki aankhon mein abhi ek daricha kyon hai